Amelipia Maisha Yangu

AMENIFIDIA

“Kwa maana Mwana wa Adamu naye hakuja kutumikiwa, bali kutumika, na kutoa nafsi yake iwe fidia ya wengi”

(Marko 10:45)

Neno fidia katika andiko hili kama lilivyotafsiriwa toka tafsiri ya awali ya Kiyunani ni, “lutron”. Maana yake ni malipo ya ukombozi.  Kwa mfano zamani, baadhi ya watumwa walifanyika  watumwa kutokana na madeni waliodaiwa.  Akitokea mtu akalipa deni lile na mtumwa akawa huru kile kile kilicholipwa hufidia maisha ya mtu huyo awe huru.  Uhuru wa namna hii huitwa ukombozi au kununuliwa. Maandiko yanaposema Yesu, alikuja awe fidia ya wengi kwa nafsi yake maana yake ni awalipie mambo yaliyowafunga waachwe huru. Alitolewa na kujitoa mwenyewe kama sadaka ilitukombolewe.

Sasa yupo mbinguni kama kuhani, aliye shahidi wa sadaka aliyotoa mbele za Mungu. Tuwapo duniani tuyashike maungamo yetu ya imani, na kuisema kazi yake ya ukombozi katika maisha Yesu; bila shaka na yeye atasema mbinguni badala yetu( Waebrania 3:1, 4:14). Hatimaye tutaona udhihirisho wa ukombozi duniani.

Sema Mbele za Yesu

Isimamishe imani yako katika ukombozi wa Yesu, unapoamini ukombozi wake sema, hiyo ni roho ya imani husema (2Wakorintho 4:13).

I. Amenikomboa na Kifo

Sema: Kwa kifo chako Yesu sitakufa milele.  Sitapotea katika ziwa la moto. Umenifidia kifo change kwa kifo chako. Nakupa maisha yangu yote (Hosea 13:14, 1Wakorintho 15:51-58).

2. Amenikomboa na Magonjwa

Sema: Kwa kupigwa kwako nimeponywa magonjwa. Gharama ya uzima wangu uliilipa kwa kupigwa kwako. (1Petro 2:23-24).

3. Amenikomboa na Uadui na Mungu

Sema: Adhabu ya amani yangu na Mungu ilikuwa juu ya Yesu, nimeponywa mimi na Mungu sasa ni marafiki, amefanya amani kati yetu kwa damu ya msalaba wake (Isaya 53:5, Wakolosai 1:20).

4. Amenikomboa na Utumwa wa Ibilisi

Sema: Kwa sababu ya dhambi nilikuwa mtumwa wa dhambi na Ibilisi.  Yesu alikuja kuziondoa dhambi, hivo Shetani hana kitu cha kunishikia yaani dhambi (1Yohana 3:7-8). Alikuwa dhambi zangu niwe haki yake.

5. Amenikomboa na Kukataliwa na Kuonewa

Sema: Nijapokataliwa na kuonewa Yesu alionewa na kukataliwa na watu. Amenikomboa na kuonewa na kukataliwa hakutaniangamiza (Isaya 53:3).

6. Amenikomboa na Umaskini

Sema: Yesu  amenilipia umaskini wangu kwa Yeye kuwa maskini.  Amefanyika umaskini wangu ili nipate utajiri wake (2Wakorintho 8:9).

7. Nimekufa na Kufufuka Naye, na Kuketi Naye

Sema: Yesu ulipokufa nilikufa pamoja nawe katika dhambi, ulipofufuka nilifufuka nawe katika haki, ulipoketi mkono wa kuhuume nimeketi nawe, juu ya majina yote, mwenye jina kuu kuliko yote Wafilipi 2:9-11, Waefeso 1:21, Waefeso 2:5-6).